Sukarno

Si Sukarno, namundag Kusno Sosrodihardjo (Hunyo 4, 1901 - Hunyo 21, 1970) an enot na presidente kan Indonesya. Siya an naghingoa na gayo na makamit kan saiyang banwa an katalingkasan sa Netherlands. Siya nagin presidente poon 1945 sungdo 1967, namayo sa tahaw nin maribok na transisyon pasiring independensya. Si Sukarno binawian poder asin napirit magbaba sa pwesto kan saro sa saiyang heneral, si Suharto; an huri nagin presidente pormalmente kan Marso 1967.

[liwatón]Adal asin pagkatawo

An mga magurang niya iyo sinda Raden Soekemi Sosrodihardjo, sarong aristokrata na nagtotokdo sa eslkwelahan primarya, asin si Ida Ayu Nyoman Rai, sarong taga-Bali sa distrito nin Buleleng.

Siya namundag sa pangaran na Kusno Sosrodihardjo sa Blitar, Javang Subangan sakop kan dati inapod na Dutch East Indies, ngonyan Indonesya na. Sa pagsunod sa ugaleng Javanesa, siya tina'wan bagong pangaran pakatapos maghelang nin makuri. Nagpoon siya sa pag'adal sa sarong eskwelahan na pinapadalagan kan mga Olandes. Kan siya isinobol kan saiyang ama sa Surabaya kan 1916, sa pag'entra sa segundarya, duman natagboan niya si Tjokroaminoto, na ngapit nagin sarong independista. Kan taon 1921 nagpoon na siyang mag'adal sa Technische Hogeschool (Instituto Teknikal) saBandung. Duman nagkua siya kan kursong inhenyero sibil, nasesentro sa arkitektura.

Makangalas ta sa dikit sanang mga edukadong elitista sa kolonya, si Sukarno matalasay sa pagtaram sa magkapirang lenggwahe. Bako sana siyang tataong magtaram kan Javanesa, Balinesa, asin kan Bahasa Indones, kundi maray siya sa Olandes. Maray man siya magtaram nin Aleman, Ingles,Pranses, Arabo asin sa Hapon, ini mga tataramon na tinotokdo sa saiyang eskwelahan. Nakatabang na gayo saiya an saiyang memoryang potograpiko asin an makuring pagkatale sa isip. ^[1]

Sa saiyang mga pag'adal, si Sukarno modernong gayo, magsa arkitektura o sa saiyang pulitika. Ipinaheling niya ini sa saiyang pagbadobado, sa pagplano urban kan kabesera, an Jakarta asin sa saiyang sosyalistang pulitika. Pero mayo siyang hilig daa sa pop music maski ngane gusto niya an arteng moderno; saiyang pinakulong anKoes Plus huli daa sa mga usmak na musika kaini apesar kaiyan siya mansana may dangog na maki-babae. Para saiya, an modernidad harap sa rasa, malinig asin makaSolnopan sa estilo, asin kontra Imperyalismo. ^[2]